بێنی گانتز 20 ڕۆژ مۆڵەت دەداتە نەتانیاهۆ

ئاڤا نیوز

 

سەرۆکی هاوپەیمانی شین و سپی ئیسرائیل، تەنها 20 رۆژ مۆڵەت بە نەتانیاهۆ دەدات و پلانێكی شەش خاڵی دەخاتە بەردەم حكومەتەكەی.

 

وێنە گەورەكە: بێنی گانتز، سەرۆكی هاوپەیمانی شین و سپی ئیسرائیل داوا لە نەتانیاهۆ دەكات، ڕێگەچارەیەكی ڕیشەیی بۆ جەنگی غەززە بدۆزێتەوە و هۆشداریشی داوەتە سەرۆکوەزیرانی ئیسرائیل  ئەگەر تا 8ی حوزەیرانی ئەمساڵ كێشەكان چارەسەر نەكات كاردانەوەی توندی دەبێت.

 

لێدوانی فەرمی: بێنی گانتس، سەرۆكی هاوپەیمانی شین و سپی و هاوكات ئەندامی ئەنجوومەنی جەنگی ئیسڕائیل گوتی: ”شەش خاڵ دەخەینە بەردەم كابینەكەی نەتانیاهۆ و دەبێت تا 8ی حوزەیران چارەسەریان بكات."

 

داواکارییەکانی بێنی گانتز، سەرۆکی هاوپەیمانی شین و سپی ئیسرائیل لە نەتانیاهۆ:

یەكەم: گەڕاندنەوەی ڕفێنراوەكانی ئیسرائیل
دووەم: كۆتاییهێنانی دەسەڵاتی حەماس
سێیەم: داماڵینی چەك لە غەززە
چوارەم: بەڕێوەبەردنی غەززە و گەڕانەوەی هاووڵاتیان بۆ باكووری ئیسرائیل
پێنجەم: دامەزراندنی قوتابیانی پەیمانگەی ئایینی ئیسرائیل
شەشەم: ئاساییكردنەوەی پەیوەندییەكان لەگەڵ سعودییە

 

ئەوەی پێویستە بیزانیت: گانتز دەڵێت، ئەگەر كێشەكان چارەسەر نەكرێن لەوانەیە لە كابینەی حكومەت بكشێینەوە.