نرخی تمەن بەرامبەر دۆلار بەشێوەیەکی بەرچاو دابەزی

ئاڤا نیوز 

نیشتنەوەی ناچاری و نەدۆزرانەوەی هێلیکۆپتەرەکەی ئیبراهیم ڕەئیسی سەرۆککۆماری ئێران، کاریگەریی نەرێنی لەسەر بەهای تمەنی ئێرانی هەبوو.

 

وێنە گەورەکە: کاتژمێر 4:00ی ئەمڕۆ 19-5-2024 بە کاتی هەولێر، هێلیکۆپتەرێک کە ئیبراهیم ڕەئیسی سەرۆککۆماری ئێران و وەزیری دەرەوە و چەند بەرپرسێکی دیکەی ئەو وڵاتەی تێدابوو "لەبەر خراپیی کەشوهەوا" ناچار بوو بەر لە گەیشتنی بە شوێنی مەبەست بنیشێتەوە و تائێستا چارەنووسیان نادیارە.

 

زانیاریی زیاتر: دوای ڕووداوی هێلیکۆپتەرەکە، نرخی 100 دۆلار گەیشتە 5 ملیۆن و 570 هەزار تمەن.

 

لە لایەکی دیکەوە: عەلی خامەنەیی ڕێبەری باڵای کۆماری ئیسلامی ئێران، لە تویتێکدا نووسیویەتی: " نابێت خەڵک نیگەران بن، پشت بە خوا سەرۆک کۆمار دەگەڕێتەوه باوەشی خەڵک و شتەکان به باشترین شێوه بەڕێوەدەچن.