لاڤرۆڤ: دوو دۆستی نزیكمان لە دەست دا

ئاڤا نیوز 

 

وەزیری دەرەوەی ڕووسیا بەهۆی گیانلەدەستدانی سەرۆككۆماری ئێران و وەزیری دەرەوە و یاوەرەکانی پەیامێكی بڵاوكردەوە.

 

وێنە گەورەكە: گیانلەدەستدانی سەرۆككۆماری ئێران و وەزیری دەرەوە و چەند بەرپرسێكی دیكەی ئێران كاردانەوەی جیهانی لێكەوتەوە و ڕووسیا کە وەک "دۆستـێکی" نزیکی ئێران ناسراوە، هاوخەمی خۆی ئاراستەی ئەو وڵاتە دەکات. 

 

لێدوانی فەرمی: سێرگی لاڤرۆڤ، وەزیری دەرەوەی ڕووسیا ڕایگەیاند، ڕووسیا دوو دۆستی نزیک و دوو هاوڕێی لەدەست دا و ئەم ڕووداوە دڵگرانی كردووین.

 

ئەوەی پێویستە بیزانیت: ئێوارەی ڕۆژی یەکشەممە 19-05-2024 هێلیکۆپتەری ئیبراهیم ڕەئیسی لە کاتی گەڕانەوەی بۆ تاران، لە خاڵێکی سنووریی تەورێز بەهۆی "خراپیی کەشوهەوا" ونبوو و دوای 18 کاتژمێر لە گەڕان، هێلیکۆپتەرەکە بە تێكشکاوی دۆزرایەوە و سەرۆککۆمار و یاوەرەکانیشی گیانیان لەدەست دا.