دوای گەڕانەوەی بەشێک لە کورسی پێکهاتەکان لایەنەکان ئامادەن بۆ هەڵبژاردن

ئاڤانیوز 

دوای ئەوەی بڕیاری گەڕانەوەی پێنج کورسی لە کۆی 100 کورسی پەرلەمان بۆ کۆتاکانی هەرێمی کوردستان درا، ئاڤا بۆچوونی بەشێک لە لایەنەکانی لەبارەی بەشداریکردن لە هەڵبژاردن ئاشکرا دەکات.

وێنە گەورەکە: لەسەر سکاڵای سەرۆکوەزیران بارزانی، دەستەی دادوەری کۆمیسیۆن بڕیاریدا بە گەڕاندنەوەی بەشێک کورسیی پێکهاتەکان، بە شێوەیەک لە کۆی 100 کورسیی پەرلەمانی کوردستان پێنج کورسی بۆ پێکهاتەکان تەرخان بکرێت.

لێدوانە فەرمییەکان: بڵند ئیسماعیل، ئەندامی کۆمیتەی ناوەندی پارتی، بە ئاڤا نیوزی گوت: ئەگەر نیگەرانییەکانمان بڕەوێتەوە و زانیمان هەڵبژاردنێکی پاک بە بەشداری پێکهاتەکان و بێ دەستێوەردانی دەرەکی دەکرێت، ئەوا دوای ئەو وادەی سەرۆکایەتی هەرێم دیاری دەکات، ئێمە دەچینە هەڵبژاردنەوە.

 سەعدی ئەحمەد پیرە، گوتەبێژی یەکێتی نیشتمانی کوردستان بە ئاڤا نیوزی گوت: بڕیارەکەی داگەی فیدراڵی بە ئەرێنی دەزانین و ڕێزی لێدەگرین، هەموو کات ئامادەین بۆ هەڵبژاردن.

سۆران عومەر سەرۆکی فراکسیۆنی کۆمەڵی دادگەری کوردستان لە پەرلەمانی عێراق، بە ئاڤا نیوزی گوت: دوای بڕیارەکەی دادگەی فیدراڵی، ئێستا باشتر بۆ هەڵبژاردن ئامادەین.