تورکیا لەبارەی دۆزینەوەی هێلیکۆپتەرەکەی سەرۆککۆمار وەڵامی ئێران دەداتەوە

ئاڤا نیوز

دوای ئەوەی ئێران دۆزینەوەی هێلیکۆپتەرەکەی ڕەئیسی لەلایەن تورکیاوە ڕەتکردەوە، وەزارەتی بەرگریی تورکیا بەڵگە بۆ کارەکەی دێنێتەوە و وەڵامی دەداتەوە.

 

بۆچی گرنگە: لەکاتێکدا ئەو دوو ووڵاتە لە دوای هاوکارییەکانی تورکیا بۆ ئێران زیاتر نزیکبوونەوە، بەڵام لێدوانە دژ بەیەکەکان خەریکە نێوانییان تێک دەدات. 

 

ڕاگەیێنراوی فەرمی: وەزارەتی بەرگریی تورکیا دەڵێت: سات بە ساتی پڕۆسەی گەڕان و دۆزینەوەی هێلیکۆپتەرەکەی ئیبراهیم ڕەئیسی، سەرۆککۆماری ئێران بە پەخشی ڕاستەوخۆ لە ڕێگەی سۆشیال میدیاوە بۆ خەڵكی گواستراوەتەوە. 

 

بۆچوونی لایەنی بەرامبەر: ئێران دەڵێت:  فڕۆکەی ئاکنجی تورکی نەیتوانیوە هێلیکۆپتەرەکەی ڕەئیسی بدۆزێتەوە بەهۆی خراپی دۆخی کەشوهەواوە گەڕاوەتەوە تورکیا، فڕۆکە بێفڕۆکەوانەکانی ئێران کە لە باکووری زەریای هیندستانەوە هاتوون، دۆزیویانەتەوە.

 

ئەوەی لە بارەیەوە دەگوترێت: تورکیا لە کاتە خراپەکانیدا بەهانای ئێرانەوە هات و مەرجەکانی دراوسێیەتی و دۆستایەتی باشی جێبەجێ کرد.