باخچەلی: پێویستە دەستبەجێ ئەمریکا لە سووریا و عێراق بکشێتەوە

ئاڤا نیوز

 

باخچەلی لە کۆبوونەوەی پارتەکەی، پشتیوانییەکانی ئەمریکا بۆ شەڕڤانانی سووریای دیموکرات بە شەرمەزاری ناودەبات و دەڵێت: "با پەکەکە و یەپەگە و فەتۆچییەکان بباتە لای خۆی و دەوڵەتی تیرۆرستان دروست بکات".

 

وێنە گەورەکە: دەوڵەت باخچەلی، سەرۆکی پارتی مەهەپە لە تورکیا داوا دەکات، ئەمریکا دەستبەجێ لە سووریا و عێراق بکشێتەوە و واز لە پشتوانیکردنی پەکەکە بهێنێت.

لێدوانی فەرمی: باخچەلی، لە کۆبوونەوەی پارتەکەی گوتی: هیچ ڕێگایەک بۆ خیانەت نە لە ناوخۆ و نە لە جوگرافیاکانی دراوسێدا نییە، پشتیوانی ئەمریکا بۆ ڕێکخراوە تیرۆریستییەکان هەڕەشەیەکی  تووندە بۆ سەر ئاسایشی تورکیا.

 

لەلایەکی دیکەوە: داوا دەکات ئۆپەراسیۆنێکی سەربازیی لە نێوان رژێمی سووریا و تورکیا لە دژی شەڕڤانانی هەسەدە لە رۆژئاوای کورستان ڕێکبخرێت بۆ لەناوبردنی یەپەگە و پەکەکە لەو سنوورە.

 

ئەمەش بزانە: ئەندامانی فەتۆچییەکان لە ئەمریکان و باخچەلی داوا دەکات ڕادەستی تورکیا بکرێنەوە.