سەرۆکوەزیران بارزانی: کابینەی نۆیەم زۆرترین پڕۆژەی سەوزایی لە شوێنی نیشتەجێبوون دروست کردووە

ئاڤا نیوز 

 

سەرۆکوەزیران بارزانی لە ڕێوڕەسمی دانانی بەردی بناغەی پارکی ئالۆکا ڕایگەیاند، کابینەی نۆیەم زۆرترین پڕۆژەی سەوزایی لە شوێنی نیشتەجێبوون دروست کردووە. 

 

وێنە گەورەکە: ڕۆژی دووشەممە 03-06-2024 سەرۆکوەزیران بارزانی لە ڕێوڕەسمی دانانی بەردی بناغەی دوو پارک لە پارێزگای دهۆک گوتارێکی پێشکەش کرد.

 

لێدوانی فەرمی: سەرۆکوەزیران بارزانی ڕایگەیاند: پارکی ئالۆکا ڕووبەرێکی فراوانی هەیە و پڕۆژەکە چەندین خزمەتگوزاریی گرنگ لەخۆ دەگرێت و خزمەت بە دانیشتووانی شارەکە دەگەیێنێت.

 

لەلایەکی دیکەوە: ڕووبەری سەوزایی هەرێمی کوردستان لە ئاست پێوەری ستانداردی جیهانی نییە، پێویستە گرنگی زیاتر بە سەوزایی لە کوردستان بدێت و فەرهەنگی کولتووری ژینگەپارێزی لە ناوخۆمان بەهێز بکەین، بۆ ئەمەش ڕۆڵی ڕاگەیاندن، پەروەردە، کۆمەڵگەی مەدەنیش بەتایبەت ڕۆڵی خێزانەکانمان لەم ڕووەوە گرنگن.

 

زانیاریی زیاتر: حکومەتی هەرێمی کوردستان بە چارەسەرکردنی ئەو گازەی لە کاتی دەرهێنانی نەوت دروست دەبێ، دروستکردنی بەنداو و ژیاندنەوەی دارستانەکان ئامادەکاری خۆی بۆ ڕووبەڕووبونەوەی گۆڕانکارییەکانی کەشوهەوا کردووە.