سعوودیە زیاتر لە 140 کۆمپانیای ساختەی گواستنەوەی حاجیان دادەخات

ئاڤا نیوز 

هێزە ئەمنییەکانی سعوودیە زیاتر لە 140 کۆمپانیای ساختەی تایبەت بە گواستنەوەی حاجیانیان داخستووە، نزیکە 65 هەزار کەسیش بە تۆمەتی قاچاخچێتیی دەستگیر کراون.

ڕاگەیێنراوی فەرمی: محەممەد بەسامی، بەڕێوەبەری ئاسایشی گشتیی سعوودیە ڕایگەیاند: "زیاتر لە 140 کۆمپانیای ساختەی گواستنەوەی حاجییان داخراون و 64 هەزار کەسیش کە هەوڵی گواستنەوەی حاجییانیان داوە بە ڕێگەی قاچاخ بۆ ناو شوێنە پیرۆزەکان دەستگیرکراون".

ئەوەی پێویستە بیزانیت: وەزارەتی حەجی سعوودیە هەڵمەتێکی فراوانی بۆ بڵاوکردنەوەی هۆشیاری سەبارەت بە مەترسییەکانی پێشێلکردنی یاسا و ڕێکارەکانی تایبەت بە حەج لە 20 دەوڵەتدا دەست پێکردووە.

ئەمەش بزانە: سعوودیە ڕۆژی 15ی ئەم مانگە وەکو ڕۆژی عەرەفە و 17ی مانگیشی وەک یەکەم ڕۆژی جەژنی قوربانی ئەمساڵ دیاری کردووە.