سوودانی: ژینگەیەکی لەبارمان بۆ کۆمپانیاکان و وەبەرهێنەران ڕەخساندووە

ئاڤا نیوز

 

سەرۆکوەزیرانی عێراق ڕایدەگەیێنێت، حکومەت ئاسانکاری و ژینگەیەکی سەلامەت و لەباری بۆ وەبەرهێنەران و کۆمپانیاکان ڕەخساندووە، تاوەکو وەبەرهێنان لە وڵاتدا بکەن.

 

چیرۆکی سەرەکی: یەکشەممە 9-6-2024، محەممەد شیاع سوودانی، سەرۆکوەزیرانی عێراق پێشوازی لە حەمید جەعفەر، سەرۆکی دەستەی بەڕێوەبەری کۆمپانیاکانی هیلال و شاندی یاوەری کرد.

 

بۆچی گرنگە: ڕەخساندنی ژینگەیەکی لەبار بۆ کۆمپانیاکان و وەبەرهێنەران بۆ ئەوەی بتوانن وەبەرهێنان بکەن، ڕەنگدانەوەی ئەرێنی لەسەر ئابووریی ناوخۆیی ڕەخساندنی هەلی کار دەبێت.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند: حکومەت کەشێکی سەلامەتی بۆ وەبەرهێنان دابین کردووە، هەروەها ئاسانکاریی دارایی و بانکی بەرچاوی بۆ کۆمپانیا بەئەزموونەکان کردووە، ئەمەش دەرگا بەڕووی پەیوەندی بەردەوام لە هاوکاریکردن دەکاتەوە.

 

لەلایەکی دیکەوە: حەمید جەعفەر، پێزانینی خۆی بۆ هەنگاوەکانی حکومەت دەربڕی لە کارئاسانیکردن بۆیان، هاوکات داوای لە سەرۆکوەزیران کرد بۆ لابردنی ئەو ئاستەنگانەی کە ڕێگرن لە کاری کۆمپانیاکانی وەبەرهێنان و بەرزکردنەوەی ئاستی هاوکارییەکان.