ژمارەی قوربانیانی هێرشەكەی سیڤاستۆپۆل بۆ 151 کەس بەرزبووەوە

ئاڤا نیوز

لە پارێزگای سیڤاستۆپۆل لە هەرێمی کریمیای ژێر دەسەڵاتی ڕووسیا، هێرشێك ڕوویداو بەهۆیەوە 151 كەس بوونە قوربانی.

لێدوانی فەرمی: میخائیل ڕیزڤۆژاڤ، پارێزگاری شاری سیڤاستۆپۆل ڕۆژی یەکشەممە ڕایگەیاند:" ژمارەی قوربانیانی ئەو هێرشە تیرۆریستییەی کە لەلایەن هێزە چەکدارەکانی ئۆکراینا بۆ سەر ئەو شارە دەستیپێکردووە، گەیشتووەتە 151 کەس، چوار کەس گیانیان لەدەستداوە کە دوو کەسیان منداڵ بوون".

زانیاری بەدەستهاتوو: هاوکاری پزیشکی بۆ 151 کەس کراوە، و 82 کەسیان گواستراونەتەوە بۆ نەخۆشخانە 55 گەورە 27 منداڵ".

وێنە گەورەكە: شەڕی نێوان ڕووسیا و ئۆكراینا پێی ناوەتە قۆناغێكی نوێوە، هاوكارییەكان بۆ ئۆكراینا لەبەرامبەر هێرشی ڕووسیا زیادیكردووە، ڕووسیاش هێرشەكانی بۆ ناو خاكی ئۆكراینا چڕكردووەتەوە.