ئیسرائیل خوشکی ئیسماعیل هەنیە لە غەززە دەکوژێت

ئاڤا نیوز 

لە بۆردوومانێکی ئیسرائیلی بۆ سەر ماڵی سەرۆکی مەکتەبی سیاسیی حەماس لە غەززە، خوشکێکی و 12 کەسی دیکە کوژران.

زانیاریی بەدەستهاتوو: لە بەرەبەیانی ڕۆژی سێشەممە، ئیسرائیل ماڵی ئیسماعیل هەنیە، سەرۆکی مەکتەبی سیاسیی حەماسی لە کەمپی شاتیا لە ڕۆژئاوای غەززە بۆردوومانکرد و لە دەرەنجامدا خوشکێکی ئیسماعیل هەنیە و 12 کەسی دیکە کوژران.

ئەوەی پێویستە بیزانیت: لە مانگی نیسانی ڕابردوو، ئیسماعیل هەنیە بە بۆردوومانێکی ئیسرائیلی لە غەززە سێ کوڕ لەگەڵ سێ نەوەی لەدەستدا.

وێنە گەورەکە: لە مانگی ئۆکتۆبەری ساڵی ڕابردوو جەنگی ئیسرائیل بۆ سەر غەززە بەردەوامە، 37 هەزار و 626 فەلەستینی لە غەززە گیانیان لەدەستداوە و 86 هەزار و 98 کەسیش بریندار بوونە.

ئیسماعیل هەنیە و خوشکەکەی