
ئاڤا نیوز
ئێرانییەکان ڕۆژی هەینی سەرۆککۆماری نوێی وڵاتەکەیان هەڵدەبژێرن. لە شەش کاندید، تاقە یەک ڕیفۆرمخواز (مەسعوود پزشکیان) هەیە و ئەوانی دیکە سەر بە بەرەی موحافیزکارن کە عەلی خامنەیی، ڕێبەری ئێران ڕابەرایەتییان دەکات.
وێنە گەورەکە: هەڵبژاردنی سەرۆککۆماری کۆماری ئیسلامیی ئێران لەکاتێکدایە ئێران لە دۆخێکی خراپی ئابوورییە و سزایەکی زۆری نێودەوڵەتی خراوەتە سەر و لە لایەکی دیکەشەوە لە ڕێگەی بریکارە تووندئاژۆکانییەوە شەڕی ئیسرائیل دەکات.
لێدوانی فەرمی: عەلی ڤایز لە گرووپی قەیرانە نێودەوڵەتییەکان دەڵێت، سەرۆککۆماری نوێ دەبێت ڕووبەڕووی ئاڵنگارییەکانی زیاتربوونی "درزی نێوان دەوڵەت و کۆمەڵگە"ـش ببێتەوە. باسی لەوەش کرد کە هیچ بەربژێرێک پلانێکی کۆنکرێتی لە چۆنیەتیی مامەڵەکردن لەگەڵ ئەو قەیرانە نەخستووەتە ڕوو، بەڵام بەربژێرەکان لە دیبەیتەکانیان سوێندیان خواردووە ڕووبەڕووی ئاستەنگە ئابوورییەکان ببنەوە.
ئەوەی پێویستە بیزانیت: بڕیار بوو هەڵبژاردنی سەرۆکایەتیی ئێران ساڵی 2025 بکرێت، بەڵام مردنی ئیبراهیم ڕەئیسی بەهۆی کەوتنەخوارەوەی هەلیکۆپتەرەکەی، هەڵبژاردنەکەی پێش خست. لەگەڵ ئەمەشدا هەڵبژاردنی سەرۆککۆماری ئەمریکا، پێنج مانگ دوای هەڵبژاردنی ئێران دەکرێت.
باکگراوند: دوای ئەوەی ئیسرائیل باڵیۆزخانەی ئێرانی لە هێرشێکی ئاسمانی لە دیمەشق بۆردوومان کرد، حەوت فەرماندە و ڕاوێژکاری پاسدارانی کوشت، لە مانگی نیسانی ڕابردوودا ئێران زیاتر لە 300 مووشەک و فڕۆکەی بێفڕۆکەوانی ئاراستەی ئیسرائیل کرد.
زیاتر لەسەر ئەم بابەتانە بکۆڵەرەوە
دوایین هەواڵەکان
- جیهان
- 7 کاتژمێر لەمەوپێش
فەرەنسا: ئەوروپا هەڵەبوو لە سەپاندنی باج لەسەر کحولی ئەمریکا
- تەندروستی
- 8 کاتژمێر لەمەوپێش
فشاری دەروونی دەبێتە هۆی قژ هەڵوەرین
- عێراق
- 8 کاتژمێر لەمەوپێش
سوودانی دڵنیایی دەداتە ئەمریکا لە پاراستنی هێزەکانیان لە عێراق
هەڵبژاردەکان بۆ تۆ
- ڕۆژهەڵاتی ناوەڕاست
- 19 کاتژمێر لەمەوپێش
ئیسرائیل دانوستاندنی ناڕاستەوخۆ لەگەڵ حەماس دەستپێدەکات
- ڕۆژهەڵاتی ناوەڕاست
- 19 کاتژمێر لەمەوپێش
ئەمریکا: هێرشەکانمان بۆ سەر حووسییەکان چەند هەفتەیەک دەخایەنێت