ئێران لەبارەی نهێنییەكی كوژرانی قاسم سولەیمانی وەڵامی ترەمپ دەداتەوە

ئاڤا دیجیتاڵ

 دوای ئەوەی دۆناڵد ترەمپ، سەرۆكی پێشووی ئەمریكا، چەند زانیارییەكی لەسەر كوژرانی قاسم سلێمانی ئاشكراكرد، بەرپرسێكی ئەمنیی پێشووی ئێران، قسەكانی ترەمپ بە " درۆی پاك" ناودەبات.

وێنە گەورەكە: عەلی شەمخانیی، سكرتێری پیشووی ئەنجوومەنی ئاسایشی ئێران،قسەكانی ترەمپ دەربارەی پلانی كوژرانی قاسم سولەیمانی فەرماندەی سوپای قودسی پاسدارانی ئێران بە درۆ دەخاتەوە.

لێدوانی فەرمی: شەمخانی لە ئێكس" نووسیویەتی "پەیوەندی ئێران لەگەڵ ئەمریكا پێش هێرشی مووشەكيی بۆ سەر عەین ئەسەد بەتەواوی درۆیە".

باكگراوند: دوو ڕۆژ لەمەوبەر، ترەمپ لە چاوپێكەوتنێكیدا لەگەڵ تۆڕی فۆكس نیوزی ئەمریكی ڕایگەیاند "ئێران بەر لە كوشتنی قاسم سلێمانی لە سەرەتای مانگی یەكی ساڵی 2020 لە هێرشێكی فڕۆكەی بێفڕۆكەوانی ئەمریكی لە بەغدا ئاگاداری كردووەتەوە  و ناچار بووە وەڵامی بداتەوە".