كاتی هەڵبژاردنەكانی ئێران دوو كاتژمێر درێژكرایەوە

ئاڤا نیوز

دەزگای هەڵبژاردنەكانی ئێران، دوو كاتژمێر كاتی بۆ هەڵبژاردنەكانی ئێران لە سەرتاسەری وڵات درێژكردەوە.

وێنە گەورەکە: ئەمڕۆ 61 ملیۆن هاووڵاتی ئێرانی لە ناوخۆی وڵاتدا دەچنە سەر سندوقەكانی دەنگدان و دەنگ بۆ چوار بەربژێر دەدەن.

لێدوانی فەرمی: دەزگای هەڵبژاردنەكانی ئێران ڕایگەیاند:"بڕیارماندا دوو كاتژمێر هەڵبژاردنەكان درێژبكەینەوە  بۆ ئەوەی هاووڵاتیانی ئێران بتوانن  دەنگ بدەن".

 

ئەوەی پێویستە بیزانیت: تا  كاتژمێر هەشتی شەو بە كاتی تاران هەڵبژاردنەكان لەسەرتاسەری ئێران درێژكرایەوە.

 

گۆشەیەكی دیكە: هاوكات لەگەڵ درێژكردنەوەی ماوەكەی لە ئێران، لە هەریەك لە عێراق و سەڵتەنەی عوممان و توركیا وادەی دەنگدان درێژكرایەوە.

بۆچی گرنگە: ئەمە یەكێكە لە هەڵبژاردنە چارەنوسسازەکانی ئێران و كاریگەری ڕاستەوخۆی لەسەر دۆخی ناوخۆی ئەو وڵاتە دەبێت.