لە بەغدا زۆرترین ژن دەنگیان بۆ هەڵبژاردنی سەرۆککۆماری ئێران داوە

ئاڤا نیوز  

تاوەکو ئێستا زۆرترین ڕێژەی ژنانی ئێرانی نیشتەجێی بەغدای پایتەختی عێراق، بەشدارییان لە هەڵبژاردنی سەرۆکایەتی کۆماری ئێران کردووە.

وێنە گەورەکە: ئەمڕۆ هەینی 28-6-2024 هەڵبژاردنی سەرۆکایەتیی کۆماری ئێسلامیی ئێران دەستیپێکرد و چوار بەربژێر کێبڕکێ دەکەن.

لێدوانی فەرمی: ئیسلام غولام رەزا ئابازری، ڕاوێژکاری کولتووری لە باڵیۆزخانەی ئێران لە بەغدا هۆکاری ئەو بەشدارییە زۆری بۆ ئەوە گەڕاندەوە "نزیکەی دوو هەزار و 500 ئێرانی لە بەغدا دەژین کە زۆرینەیان ژنن ئەوانەی لەم ساڵانەی دواییدا شویان بە هاووڵاتیانی عێراقی کردووە".

زانیاریی زیاتر: بە گوتەی ئابازری، هەرچەندە لە ماوەی 17 ساڵی ڕابردوو باڵیۆزخانەی ئێران لە بەغدا پێشوازیی لە چەندین هەڵبژاردن کردووە، بەڵام ئەم ئامادەبوون و بەشدارییە گشتییەی ئەمساڵ چالاکتر و بەرچاوتر بوو.

ئەمەش بزانە: بەپێی ئاژانسی هەواڵی ئێران "ئیرنا" بە مەبەستی دەنگدان بۆ هەڵبژاردنی خولی 14ی سەرۆکایەتی کۆماری ئێران، شەش ناوەندی دەنگدان کە 24 سندووقی دەنگدانی لەخۆ گرتووە بۆ دەنگدەرانی ئێرانی نیشتەجێی عێراق دانراون.