ئەردۆغان بۆ سەیرکردنی یاریی تورکیا - هۆڵەندا دەچێتە ئەڵمانیا

ئاڤا نیوز

ڕەجەب تەیب ئەردۆغان، سەرۆککۆماری تورکیا، ڕۆژی شەممە دەچێتە بەرلین بۆ سەیرکردنی یاریی تۆپی پێی نێوان هۆڵەندا و وڵاتەکەی کە لە قۆناغی چارەکی کۆتایی جامی یۆرۆ ڕووبەڕووی یەک دەبنەوە.

وێنە گەورەکە: ئەردۆغان بەرنامەی سەردانیکردنی ئازەربایجانی هەڵوەشاندەوە، بۆ ئەوەی بچێتە هۆڵەندا و  پاڵپشتی هەڵبژاردەی تۆپی پێی وڵاتەکەی بکات. هەڵبژاردەی تورکیا لە پاڵەوانێتی یۆرۆی 2024 گەیشتووەتە قۆناغی چارەکی کۆتایی. 

زانیارییە بەدەستهاتووەکان: ئەردۆغان دەچێتە بەرلین بۆ سەیری یارییەکە کە ئێوارەی 6ی تەمووز کاتژمێر 10ی شەو بە کاتی هەولێر لە بەرلین ئەنجام دەدرێت.

ئەوەی پێویستە بیزانیت: پەیوەندییەکانی نێوان تورکیا و ئەڵمانیا گرژی تێکەوت دوای ئەوەی مێریح دێمیرال، یاریزانی بەرگریکاری تورکیا لە کاتی تۆمارکردنی گۆڵێک ئاماژەی بۆ هێمایەکی تورکە ڕاسترەوەکان کردبوو، نانسی فایزەری، وەزیری ناوەخۆی ئەو وڵاتەش ڕەخنەی لەو یاریزانە گرت.

باکگراوند: دوێنێ سێشەممە، تورکیا باڵیۆزی ئەڵمانیا لە ئەنقەرە بانگهێشت کرد و لە ڕێگەیەوە ناڕەزایی خۆی گەیاندە بەرپرسانی ئەڵمانیا.