پرۆسەی جیاکردنەوەی دەنگەکان لە ئێران و ڕۆژهەڵاتی کوردستان دەستیپێكرد

ئاڤا نیوز

 

لە ئێران و ڕۆژهەڵاتی کوردستان، بنكەكانی دەنگدان  داخران و دەستكرا بە جیاكردنەوەی دەنگەكان.

 

وێنە گەورەكە: دوای سێ جار لە درێژكردنەوەی كاتەكەی  تا كاتژمێر 12 بەكاتی تاران، سەرجەم بنكەكانی دەنگدان بەڕووی دەنگدەراندا داخران، ئەو كەسانەی لە ناوبنكەكاندان دەنگدەدەن و كەسی دیكە ناتوانێت بچێتە ناو بنكەكانەوە دەنگ بدات.

لێدوانی فەرمی: موحسین ئیسلامی، گوتەبێژی كۆمسیۆنی باڵای سەربەخۆی هەڵبژاردنەكانی ئێران ڕایگەیاند:"بنكەكان داخران و دەستكراوە بەجیاكردنەوەی دەنگەكان لەسەرتاسەری بنكەكاندا.

 

زانیاریی زیاتر: لە خولی دووەمی هەڵبژاردنەكاندا بەشداریكردن لە هەڵبژاردن لە %50 ی تێپەراند.

ژمارەكان وادەڵێن: لەخولی یەكەمی هەڵبژاردندا،24ملیۆن و535 هەزار 155 كەس بەشداری دەنگدانی كردبوو كە دەكاتە%39.9ی كۆی دەنگدەران.
لە خولی دووەمی هەڵبژاردندا تا ئێستا 30ملیۆن و 726 هەزار 160 كەس بەشداری لە دەنگدان كردووە كە دەكاتە ٪50ی كۆی دەنگدەران.