توركیا: کۆگایەکی چەکی پەکەکە لە هەرێمی کوردستان دەستی بەسەرداگیرا

ئاڤا نیوز 

وەزارەتی بەرگریی تورکیا، دەست بەسەرداگرتنی دوو هەزا رو 300 چەک و کەرەستەی تەقەمەنی پەکەکەی لە چیای خواکورک لە هەرێمی كوردستان ڕاگەیاند.

وێنە گەورەكە: وەزارەتی بەرگریی توركیا ئۆپەراسیۆنێكی سەربازی لە ناوچە سنووریەکانی لەگەڵ عێراق و هەرێمی كوردستان دەستپێكردووە، کە بنکەو بارەگاکانی پەکەکەیان لێیە.

ڕاگەیێنراوی فەرمی: بە گوتەی وەزارەتی بەرگریی توركیا، لە پەناگەیەکی  پەکەکە لە خواکورک دەستیان بەسەر کۆگایەکی چەک و تەقەمەنیدا گرتووە کە دوو هەزار و 300 چەکی جۆری دۆشکە و تەقەمەنی تێدا بووە.

لە لایەکی دیکەوە: وەزارەتی بەرگری تورکیا ڕایگەیاند: چالاکییەکانی گەڕان و پشکنین لەو ماڵانەی لە گوندەکانی دەرگەلێ و میسک سەر بە پارێزگای دهۆک لەلایەن پەکەکەوە دەستیان بەسەردا گیراوە بەردەوامە و ئەو تەقەمەنییانەی لەناو ماڵەکاندا گیریان خواردووە بە وردبینییەکی زۆرەوە پاکدەکرێنەوە.

ئەوەی پێویستە بیزانیت: گوندەکانی دەرگەلێ و میسک و بەردا سەر بە پارێزگای دهۆکن، بەهۆی بەردەوامیی شەڕی نێوان توركیا و پەكەكە.

 

بۆچوونی لایەنی بەرامبەر: تا ئێستا پەکەک لەبارەی دەستبەسەرداگرتنی ئەو چەک و کەرەستانەوە هیچ شتێکی بڵاو نەکردووەتەوە.