لە هێرشەکانی ئەمریکا و بەریتانیادا 57 حوسی کوژراون

ئاڤا نیوز

 

حوسییەکان دان بەوەدا دەنێن کە هێرشی هاوپەیمانان زیانی بەرچاوی مرۆیی پێگەیاندوون.

 

لێدوانی فەرمی: عەبدولمەلیک حوسی، ڕێبەری حوسییەکانی یەمەن ڕایگەیاند، لە ئەنجامی هێرشەکانی ئەمریکا و بەریتانیا تا ئێستا 57 ئەندامیان کوژراون و 87ـی دیکەش بریندار بوون.

 

زانیاریی زیاتر: حوسییەکان تەنیا لە ماوەی ئەم هەفتەیەدا 10 موشەکی بالیستی و درۆنیان لە دژی کەشتییەکان بەکار بردووە و ئەمریکا و بەریتانیاش 8 جار هێرشیان کردووەتە سەریان.

 

ئەوەی پێویستە بیزانیت: حوسییەکانی یەمەن بە پاساوی بەرگریکردن لە خەڵکی غەززە کە لە ژێر هێرش ئیسرائیلدان، هێرش دەکەن سەر کەشتییە بازرگانییەکانی دەریای سوور و کەنداوی عومان.