حەماس فشار لە سینوار دەكات بە ئاگربەست ڕازی بێت

ئاڤا نیوز

لە ژێر فشاری سەرکردەکانی حەماس، هەوڵ دەدرێت یەحیا سینوار ناچار بکرێت بە دانوستان و ئاگربەست ڕازی بێت.

وێنە گەورەکە: زیاتر لە چوار مانگە سوپای ئیسرائیل و گرووپی حەماس لە گفتوگۆدان بۆ ئاگربەست و ئاڵوگۆڕی دیلەکان، بەڵام تا ئێستا هیچ ڕێککەوتنێک بەدی ناکرێت و سەرکردەکانی حەماسیش فشار لە سینوار دەکەن دانوستان بکات و بە ئاگربەست ڕازی بێت.

زانیاریی بەدەستهاتوو: سەرکردەیەکی حەماس بە ئاژانسی هەواڵی 'سی.ئێن.ئێن'ـی گوت:" فشاری زۆر لە سینوار دەکرێت بە ئاگربەست ڕازی بێت لەبەر ئەوەی دۆخی غەززە و حەماس زۆر خراپە".

ئەوەی پێویستە بیزانیت: یەحیا سینوار سەرۆکی بزووتنەوەی حەماسە لە غەززە، زانیارییەکان ئاماژە بەوە دەکەن لە نۆ مانگی  ڕابردوودا بەهۆی  هێرشی ئیسرائیل بزووتنەوەکە 80٪ی توانا و هێز و زەوی لەدەستداوە.