بەهۆی ترەمپ بەرپرسێکی باڵای ئەمریکا دەستی لەکار کێشایەوە

ئاڤا نیوز

 

کیمبەرلی چیتل، بەڕێوەبەری دەزگای خزمەتگوزاری نهێنیی ئەمریکا، دەستی لە کارکێشایەوە، چونکە لە پاراستنی دۆناڵد ترەمپ شکستی هێناوە و سەرکەوتوو نەبووە. 

 

وێنە گەورەکە: چەند ڕۆژێک پێش ئێستا، لەلایەن چەکدارێکی تەمەن 20 ساڵەوە لە ویلایەتی پێنسیلڤانیا، هەوڵی تیرۆرکردنی دۆناڵد ترەمپ درا.

 

هۆکارە زانراوەکان: چیتل ڕووبەڕووی ڕەخنەیەکی زۆری  خەڵک و هەردوو پارتی کۆماری و دیموکرات بووەوە، دوای ئەوەی هەوڵی کوشتنی ترەمپ درا و هۆکارەکەیان بۆ خراپیی کارەکانی دەزگای نهێنیی ئەمریکا گەڕاندەوە.

 

لەلایەکی دیکەوە: جۆ بایدن، سەرۆکی ئەمریکا رایگەیاند، پلان بۆ ئەوە دادەنێن کەسێکی نوێ وەک بەرێوەبەری ئەو دەزگایە دابمەزرێنن.