ترەمپ بەتامەزرۆییەوە چاوەڕێی نەتەنیاهۆ دەکات

ئاڤا نیوز

بڕیارە لە چەند ڕۆژی داهاتوودا نەتانیاهو  لەگەڵ جۆ بایدن کۆببێتەوە، ترەمپیش بۆ ئۆفیسەکەی بانگهێشتی دەکات.

 

وێنە گەورەکە: بڕیارە ڕۆژی پێنجشەممە 25-07-2024، بنیامین نەتانیاهو سەرۆکوەزیرانی ئیسرائیل لە کۆشکی سپی چاوی بە جۆ بایدن، سەرۆکی ئەمریکا بکەوێت دوای چاکبوونەوەی لە نەخۆشی Covid-19،  ترەمپیش بانگهێشتی کردووە بۆ ئۆفیسەکەی خۆی لە ویلایەتی فلۆریدا.

 

بڵاوکراوەی فەرمی: ترەمپ لە سۆشیال میدیای خۆی نووسیویەتی: بە تامەزرۆییەوە چاوەڕێی پێشوازیکردنم لە بیبی نەتانیاهۆ لە ویلایەتی فلۆریدا.

 

ئەوەی پێویستە بیزانیت: سەرۆکوەزیرانی ئیسرائیل ڕۆژی دووشەممە 22-07-2024، بە سەردانێکی فەرمی گەیشتە واشنتن بۆ گفتوگۆکردن لە نوێترین پێشهاتەکانی شەڕی غەززە، بڕیارە بەیانی لە بەردەم کۆنگرێس گوتارێک پێشکەش بکات و لە ماوەی هەفتەکەدا لەگەڵ هاریس کۆببێتەوە.