72 کەس لە تورکیا بە تۆمەتی ئەندامێتیی داعش دەستبەسەرکران

ئاڤا نیوز

دەزگا ئەمنییەکانی تورکیا ئۆپەراسیۆنێکیان دەستپێکرد و 72 کەسیان بە تۆمەتی ئەندامبوون لە ڕێکخراوی داعش دەستبەسەرکرد.

 

وێنە گەورەکە: لە ئۆپەراسیۆنێکی هاوبەشی نێوان بەڕێوەبەرایەتیی گشتیی هەواڵگری و هێزی دژە تیرۆر و بەڕێوەبەرایەتییەکانی ئاسایشی 13 شاری باکووری کوردستان و تورکیا، 72 کەس کە گومانیان لێدەکرێت کار بۆ ڕێکخراوی داعش بکەن دەستبەسەرکران.

 

بڵاوکراوەی فەرمی: عەلی یەرلیکایە، وەزیری ناوەخۆی تورکیا لە "ئێکس" ڕایگەیاند: لە ئۆپەرسیۆنی گورز-1، 72 تۆمەتباری داعش دەستبەسەرکراون و چاوپۆشی لە هیچ تیرۆرستێک ناکەین.

 

لەلایەکی دیکەوە: هەر لە ئۆپەراسیۆنەکەدا دەست بەسەر بڕێکی زۆر دراوی بیانی و لیرەی تورکی و ژمارەیەکی زۆر کەرەستەی دیجیتاڵیدا گیرا.