کێشەی سەگە بێلانەکانی تورکیا ئەردۆغان دێنێتە دەنگ

ئاڤا نیوز 

 

ماوەیەکە تورکیا بەدەست کێشەی سەگە بێلانەکانی سەرشەقام دەناڵێنێت و ڕەجەب تەیب ئەردۆغانی سەرۆککۆماری تورکیا دەڵێت” لە پرسی ئاژەڵ پارێزی  کەس وانەی بەزەیی بە ئێمە نەڵێتەوە".

 

وێنە گەورەکە: ژمارەی سەگە بێلانەکان کە لەسەر شەقامەکانی توركیا دەژین، کێشەیەکی زۆری بۆ هاووڵاتیانی ئەو وڵاتە دروست کردووە چەندین جارە ئەو سەگانە هێرش دەکەنە سەر منداڵان و خەڵک داوای چارەسەر دەکەن. 

 

لێدوانی فەرمی: ڕەجەب تەیب ئەردۆغان، سەرۆککۆماری تورکیا ڕایگەیاند: لە پرسی ئاژەڵان کەس وانەی بەزە بە ئێمە نەڵێتەوە و فرمێسی تیمساحی نەڕژێت، کاتێک منداڵێکی 10 ساڵان بەهۆی هێرشی سەگێک لە باوەشی دایکی پارچە پارچە دەکرێت، دواین وشە بەزەیی دەبێت".

 

کاردانەوەکان: ڕێکخراونی مافی ئاژەڵان، لە ڕێگەی تۆماری ڤیدیۆیی و گردبوونەوەکان زۆر بە تووندی دژی کۆکردنەوەی ئەو سەگانەن و دەیانەوێت پەرلەمانی توركیا بڕیارێک لە بەرژەوەندی ئاژەڵە بێلانەکان بدات.

لە لایەکی دیکەوە: یەڵماز تونج، وەزیری دادی تورکیا  ڕایگەیاند: کێشەی ئاژەڵەکان و کێشەی خەڵکیش چارەسەر دەکەین، خەڵک دەیەوێت ئەم کێشەیە چارەسەر ببێت.