ئیسرائیل حەماس ئاگاداردەكاتەوە هاووڵاتییانی نەکاتە ئامانج

ئاڤا نیوز 

 

ئیسرائیل لە نامەیەكدا بۆ حەماس داوای كردووە بەهیچ شێوەیەک هاووڵاتیان نەكرێنە ئامانج بۆ ئەوەی كاردانەوەی زۆر تووندیان نەبێت.

 

ئەوەی ئێستا ڕوودەدات: حەماس هەڕەشەی ڕووبەڕووبوونەوە و گورزی كەمەرشكێن لە ئیسرائیل دەكات، ئیسرائیلیش دەڵێت، ئەگەر هاووڵاتیانی لە خاكی ئیسرائیل بكرێنە ئامانج شەڕێكی بەرفراوان ڕوودەدات.

 

زانیاریی بەدەستهاتوو: ڕۆژنامەی یەدیوت ئەحرۆنۆتی ئیسرائیلی بڵاوی كردەوە ئیسرائیل نامەیەكی بۆ حەماس ناردووە وتێیدا هاتووە ئەگەر هێرش بكرێتە سەر ئیسرائیل و هاووڵاتیانی بكرێنە ئامانج ئەمە دەبێتە هۆی شەڕێكی سەرتاسەریی.

 

زانیاریی زیاتر: شەوی چوارشەممە، ڕۆژنامەی نیویۆرک تایمز لەسەر زاری سێ گەورە بەرپرسی ئێرانەوە بڵاوی كردەوە، ڕێبەری باڵای شۆڕشی ئیسلامیی ئێران داوای كردووە لە عێراق و سووریا و لوبنانەوە ئیسرائیل بكرێتە ئامانج و تۆڵەی كوشتنی هەنییە بكەنەوە.