گومان لە مرداربوونەوەی سەدان هەزار ماسی لە ناوچەیەكی عێراق دەكرێت

ئاڤا نیوز

دوای مرداربوونەوەی سەدان هەزار ماسی لە زۆنگاوی "حەوێزە" لەپارێزگای میسان، وەزارەتی سەرچاوەكانی ئاوی عێراق لیژنەیەكی لێكوڵینەوەی پێكهێناوە.

وێنە گەورەكە: بەهۆی گۆڕانی كەشوهەوا و كەمی باران بارینەوە ، سامانی ماسی بە شێوەیەكی بەرچاو دابەزیوە و مەترسی ڕاستەقینەی لە سەرە.

ڕاگەیێنراوی فەرمی: وەزارەتی سەرچاوەكانی ئاوی عێراق ڕایگەیاند:  لێكۆڵینەوەكان دەریانخست زۆربەی ماسییەكان لەچەمی " دووب" لە زۆنگاوی "حەوێزە" مرادربوونەتەوە، لەكاتێكدا هیچ كێشەیەك لە ڕێژەی ئۆكسجین و ئاستی ئاو لەو چەمەدا نەبووە. 

زانیاریی زیاتر: وەزارەتی سەرچاوەكانی ئاو جەختی لەوەشكردووەتەوە، ‌زۆربەی ماسییە مرداربووەكان لە جۆری " جوڕڕی" ـــن، چەند نمونەیەك ڕەوانەی بەشی ڤێتێرنەری وەزارەتی كشتوكاڵ كراوە بۆ دیاریكردنی هۆكاری مرداربوونەوەی  ئەو جۆرە ماسییە.

 

ئەوەی پێویستە بیزانیت: چەمی "دووب " چەمێكی سروشتییە و درێژییەكەی 12 كیلۆمەترە،  قووڵایی ئاوەكەی لە نێوان دوو بۆ سێ مەترە و پانی چەمەكە لە نێوان 75بۆ 150 مەتردایە.