فەڕەنسا هەوڵی نێوندگیری نێوان حیزبوڵڵا و ئیسرائیل دەدات

ئاڤا دیجیتاڵ

وەزیری دەرەوەی فەرەنسا، "پێشنیازەکانی بۆ ڕێگریکردن" لە هەڵگیرسانی شەڕی نێوان حیزبووڵا و ئیسرائیل لە لوبنان بە بەرپرسانی بەیروت گەیاند.

بۆچی گرنگە: حیزبوڵڵای لوبنان، خەریکە شەڕی حەماس و ئیسرائیل بۆ نێو خاکی لوبنان پەلکێش دەکات، گەر فەڕەنسا پێشنیازەکانی قبووڵ بکرێت، ئەگەری هەیە خاکی لوبنان لەم شەڕە پارێزراوبێت.

وێنە گەورەکە: ستیفن سیجۆرنی، وەزیری دەرەوەی فەرەنسا لە میانی کۆنگرەیەکی ڕۆژنامەوانیدا دوای کۆبوونەوەی لەگەڵ ئانالینا بێربووک هاوتا ئەڵمانییەکەی و ڕادۆسلاڤ سیکۆرسکی پۆڵەندی لە پاریس ڕایگەیاند "لە سەردانەکەماندا  چەند پێشنیازێکمان " بۆ بەیروت خستە ڕوو، لە چەند مانگی داهاتوودا چارەسەرەکان دەخرێتە بواری جێبەجێکردنەوە.

ئەوەی پێویستە بیزانیت: فەرەنسا "بەرژەوەندی ڕاستەوخۆی" لە لوبنان هەیە، لەبەر ئەوەی"20هەزار هاووڵاتیی فەڕەنسی لە لوبنان" دەژین، ئەمە جگە لەوەی "700 سەرباز بەشدارن لە ئەرکی ئاشتیپارێزی" لە باشووری ئەو وڵاتە.

باکگراوند: لە پێکدادانەکانی نێوان حیزبوڵڵا و ئیسرائیل، 238 کەس لە باشووری لوبنان کوژراون کە 172یان چەکداری حزبوڵڵای لوبنان بوون لەگەڵ (سێ ڕۆژنامەنووس). لە ئیسرائیل سوپا کوژرانی نۆ سەرباز و شەش هاووڵاتی سڤیلی ڕاگەیاندووە.