ڕووسیا خۆی بۆ هێرشکردنە سەر قووڵاییەکانی ئەوروپا ئامادە دەکات

ئاڤا نیوز

بەگوێڕەی ڕاپۆرتێکی ڕۆژنامەی فاینانشیاڵ تایمز، ڕووسیا ڕا‌هێنانی بە هێزە دەریاییەکانی کردووە تا بتوانن چەند پێگەیەک لە قووڵایی ئەوروپا بکەنە ئامانج.

وێنە گەورەکە: ڕووسیا خۆی بۆ ئەگەری شەڕ لەگەڵ ناتۆ ئامادە دەکات تا لە ئەگەری ڕوودانی شەڕەکەدا بتوانێت هێرشی کاریگەر ئەنجام بدات. 

زانیاریی زیاتر: ڕاهێنان لەسەر بەکاربردنی ئەو مووشەکانە کراوە کە توانای هەڵگرتنی کڵاوەی ئەتۆمییان هەیە.

باکگراوند: لە شوباتی 2022ـەوە شەڕی ڕووسیا و ئۆکراینا دەستیپێکردووە. بەهۆی ئەم شەڕەوە گرژییەکانی نێوان ڕووسیا و ناتۆ زیاتر بوون، بەتایبەت هەفتەیەکە ئۆکراینا هێرشی پێچەوانەی بۆ  سەر  ڕووسیا دەستپێکردووە و تائێستا هەزار کیلۆمەتری چوارگۆشەی بەقووڵایی زیاتر لە 42 کیلۆمەتر داگیرکردووە.