چین: ئەمریکا گەورەترین هەڕەشەی ئەتۆمییە بۆ سەر جیهان

ئاڤا نیوز

چین ڕەخنە لە سیاسەتە سەربازییەکانی ئەمریکا دەگرێت بەهۆی زیادکردنی گرژییە جیهانییەکان و مەترسییە ئەتۆمییەکانەوە. 

وێنە گەورەكە: پرسی ئەتۆمی لە جیهاندا بەشێوەیەكی بەرفراوان بڵاوبووەتەوە، هەریەكە لە ئەمریكا و چین و ڕووسیا و وڵاتانی خاوەن چەكی ئەتۆمی یەكتری تۆمەتبار دەكەن بەوەی بوونەتە مەترسی لەسەر جیهان.

ڕاگەیێنراوی فەرمی: ژانگ شیاوگانگ، گوتەبێژی وەزارەتی بەرگریی چین بە ڕۆژنامەنووسانی ڕاگەیاند: "ئەمریکا گەورەترین هەڕەشەی ئەتۆمییە بەهۆی بڕیارە نابەرپرسیارەکانی لە هەوڵەکانی بۆ پاراستنی هەژموون، لەنێویاندا ترساندنی کۆمەڵگەی نێودەوڵەتی بە چەکی ئەتۆمی". 

زانیاریی زیاتر: ژانگ شیاوگانگ ئاماژە بۆ ئەوە دەکات، ژاپۆن وەکو وڵاتێک کە چەکی ئەتۆمی دژی بەکارهاوتووە، نابێت پشت بە ئەمریکا ببەستێت و پێویستە دەرس لە مێژوو وەربگرێت.

ئەمەش بزانە: هەریەكە لە ئەمریکا، ڕووسیا، فەرەنسا، چین، بەریتانیا، پاکستان، هیندستان، ئیسرائیل و کۆریای باکوور خاوەنی چەكی ئەتۆمین.