ڕاپۆرتی کۆتایی لێکۆڵینەوە لە کەوتنەخوارەوەی هێلیکۆپتەرەکەی ڕەئیسی ڕاگەیێنرا

ئاڤا نیوز 

 

نوێترین ڕاپۆرتی لیژنەی لێکۆڵینەوە لە هۆکارەکانی تێکشکانی هێلیکۆپتەرەکەی ئیبراهیم ڕەئیسی، سەرۆککۆماری پێشووی ئێران، ڕاگەیێنرا.

 

هۆکارە زانراوەکان: بەگوێرەی ڕاپۆرتەکە "هێلیکۆپتەرەکەی ڕەئیسی لەبەر خراپیی دۆخی کەشوهەوا تێکشکاوە"، پێشتریش لیژنەی لێکۆڵینەوە لە ڕاپۆرتە سەرەتاییەکانیدا ئاماژەی بە هەمان هۆکار کردبوو، لەگەڵ ئەوەشدا لێکۆڵێنەوەکان بەردەوام بوون.

 

ئەوەی پێویستە بیزانیت: ڕۆژی 19-05-2024 هێلیکۆپتەری سەرۆککۆمار، وەزیری دەرەوە و ژمارەیەکی دیکە بەرپرسی باڵای ئێرانی هەڵگرتبوو کەوتە خوارەوە و تێکشکا، لە ئەنجامدا سەرجەم سەرنشینەکانی گیانیان لەدەست دا.