ستارمەر سەردانی ئیرلەندا دەکات

ئاڤا نیوز

 

 

کیر ستارمەر، سەرۆکوەزیرانی بەریتانیا سەردانی ئێرلەندا دەکات. ئامانجی سەردانەکەی ستامەر ڕێکخستنەوەی پەیوەندییەکانیەتی لەگەڵ بەرپرسانی ئیرلەندا، دوای سەرکەوتنی لە هەڵبژاردنی بەریتانیا.

 

 

وێنە گەورەکە: بە مەبەستی بەرزکردنەوەی پێگەی بەریتانیا لە جیهاندا و ڕاکێشانی وەبەرهێنان و ڕەخساندنی هەلی کاری زیاتر، کیر ستارمەر سەرۆکوەزیرانی بەریتانیا 7-9-2024 سەردانی ئێرلەندای کرد. سەردانەکەی سەرۆکوەزیرانی نوێی بەریتانیا بە دەستپێکی سەردەمێکی نوێی هاوکاری و دۆستایەتی دادەنرێت.

 

ئەمەش بزانە: ئێرلەندا یەکێکە لە هاوبەشە بازرگانییە سەرەکییەکانی بەریتانیا و ئاڵوگۆڕی بازرگانیی نێوانیان بە 100 ملیار یۆرۆی ساڵانە دەخەملێنرێت. 

 

قووڵتر: حکومەتە نوێیەکەی ستارمەر هەوڵدەدات پەیوەندییەکانی لەگەڵ نزیکترین دراوسێی وڵاتەکەی و ئەندامانی دیکەی یەکێتیی ئەوروپا باشتر بکات، دوای ئەوەی پارتەکەی لە هەڵبژاردنەکانی مانگی تەمموزدا سەرکەوتنی بەدەستهێنا و بۆ یەکەمجار لە دوای ساڵی 2010ـەوە گەڕایەوە سەر دەسەڵات.