خالید خۆشناو: پرۆژەکە لە یەک کاتژمێردا 20 هەزار مەتر سێجار ئاو دەگەیەنێتە هەولێر

ئاڤا نیوز

 

پرۆژەی فریاگوزاری خێرا یەکێکە لە پڕۆژە ستراتیژییەکانی کابینەی نۆیەمی حکومەتی هەرێمی کوردستان، کێشەی ئاوی هەولێر بەتەواوی چارەسەر دەکات.

 

بۆچی گرنگە: کابینەی نۆیەمی حکومەتی هەرێمی کوردستان، سەرەڕای قەیرانی دارایی و ئاستەنگەکان گرنگی زۆری بە گەیاندنی پرۆژە خزمەتگوزارییەکان لەسەرجەم شار و شارۆچکەکان داوە.

 

لێدوانی فەرمی: خالید خۆشناو، خاوەنی کۆمپانیاکانی هێمن گرووپ ڕایگەیاند: سوپاسی سەرۆکوەزیران بارزانی دەکەم کە ئەرکی جێبەجێکردنی پرۆژەکەی پێ سپاردین و هەوڵدەدەین زووتر لەو کاتەی دیاریکراوە پڕۆژەکە تەواو بکەین.

 

زانیاریی زیاتر: پڕۆژەکە لە یەک کاتژمێردا 20 هەزار مەتر سێجا دەگەیێنێت بە شاری هەولێر، پێداویستی یەک ملیۆن و 500 هەزار هاووڵاتی پڕدەکاتەوە و کێشەی ئاوی خواردنەوە بەتەواوی چارەسەر دەکات.

 

ئەوەی پێویستە بیزانیت: پێنج هەزار کارمەند بە سێ شیفت لەنێو پرۆژەکەدا کاردەکەن، ماوەی تەواوبوونیشی 14 مانگە و 60%ـی ئاوی هەولێر دابین دەکات.