بە زەبری چەقۆ 30 ملیۆن دیناریان لە ماڵێک برد و پۆلیس دەستگیری کردن

ئاڤا نیوز 

پۆلیسی سلێمانی دوو ژن و پیاوێكی دەستگیرکردووە کە بە هەڕەشە و بەزەبری چەقۆ پارەیان لە ماڵێک بردووە.

 

چیرۆکە سەرەکیەکە: چەند ڕۆژێک لەمەوبەر، هاونیشتمانییەک لە سلێمانی چووەتە پۆلیس و سکاڵای کردووە، کە سێ کەس بە زەبری چەقۆ 30 ملیۆن دیناریان لەماڵەکەی بردووە و ترسێکی زۆریان دروستکردووە، دواتر پۆلیس لێکۆڵینەوەی دەستپێکرد، دەرکەوت ئەوانەی دزیەکەیان کردووە، ژن و پیاو و کچێکن، مەفرەزەكانی نوسینگەی نەهێشتنی تاوانی ڕۆژهەڵاتی سلێمانی هەر سێ تۆمەتبارەکەی دەستگیرکرد.

 

لێدوانی فەرمی: سەرکەوت ئەحمەد، گوتەبێژی پۆلیسی سلێمانی بە ئاڤا نیوزی ڕاگەیاند: ئەوانەی تاوانی دزیەکەیان کردووە خەڵکی ناوخۆن و بیانی نین، لەکاتی دەستگیرکردن بەشی زۆری پارەکەیان پێگیراوە و ئێستا لێکۆڵێنەوە لە کەیسەکەیان بەردەوامە.

 

ئەوەی پێویستە بیزانیت: ئەو تۆمەتبارانەی دەستگیرکراون، هەریەکە لە (ر،س،ع 36 ساڵ ڕەگەزی نێر، م،ع،س 28 ساڵ ڕەگەزی مێ، د،س،ع تەمەن 27 ساڵ ڕەگەزی مێ)، پۆلیسی سلێمانی دەڵێت لێکۆڵینەوە لە دۆسیەکەیان دەستیپێکردووە.