فوئاد حوسێن هاتنی مەسعود پزیشکیان بۆ هەولێر پشتڕاست دەکاتەوە

ئاڤا نیوز

 

لە چوارچێوەی سەردانەکەی بۆ عێراق، سەرۆککۆماری ئێران سەردانی هەرێمی کوردستان دەکات.

 

لێدوانی فەرمی: فوئاد حوسێن، وەزیری دەرەوەی عێراق بە کوردستان حەسەن، پەیامنێری دیپلۆماسیی ئاڤای ڕاگەیاند: مەسعود پزیشکیان، سەرۆککۆماری ئێران لەمیانەی سەردانەکەی بۆ عێراق، دوای بەغدا سەردانی هەولێریش دەکات.

 

زانیاریی زیاتر: فوئاد حوسێن ئاماژەی بە ئەوەش دا پەیوەندییەکانی نێوان عێراق و ئێران زۆر پتەو و باشە و ئەمە یەکەم سەردانیی پزیشکیانە بۆ دەرەوەی ئێران.

 

ئەوەش بزانە: سەبارەت بە کاریگەریی سەردانەکەی سەرۆک بارزانی لەسەر ڕێککەوتنەکەی ئەمڕۆی ئەنجوومەنی وەزاریی ئابووریی هەرێمی کوردستان و عێراق، فوئاد حوسێن ڕایگەیاند: بەدڵنیاییەوە کاریگەریی هەبووە.