
ئومێد خۆشناو لەکاتی دانانی بەردی بناغەی پۆندەکە، وێنە: ڕاگەیاندنی پارێزگای هەولێر
ئاڤا نیوز
حکومەتی هەرێمی کوردستان گهورهترین پۆند لە سەر ئاستى ههرێمی كوردستان لە بنەسڵاوە دروست دەکات و توانای کۆکردنەوەی 3 ملیۆن مەتر سێجا ئاوی هەیە.
چیڕۆکی سەرەکی: ئەمڕۆ شەممە بەردی بناغەی پۆندیک لە قەزای بنەسڵاوە دانرا، توانای گلدانەوەی سێ ملیۆن مەتر سێجا ئاوی ھەیە و بە گەورەترین پۆندی هەرێمی کوردستان دادەنرێت.
ڕاگەیێراوی فەرمی: بەپێی ڕاگەیێنراوێکی پارێزگای هەولێر، پۆندەکە بەگوژمەی سێ ملیار و 856 ملیۆن لە سەر بودجەی وەبەرهێنانی بەڕێوەبەرایەتیی ئاودێری هەولێر، بەشێوەی بەڵێندەرایەتی جێبەجێ دەکرێت.
زانیاریی زیاتر: درێژی پۆندەکە 360 مەتر و بەرزییەکەى 17 مەترە، توانای کۆکردنەوەی سێ ملیۆن مەتر سێجا ئاوی باران و کانیاوەکانی ھەیە. بەتەواوبوونى ڕۆڵی زۆری لە بەرزکردنەوەی ئاستی ئاوی ژێرزەوی و بەرەنگاربوونەوەی وشکەساڵی، دروستکردنی زهوی بهرئاو دەبێت، هاوکات ناوچهكە لە مەترسی لافاو دەپارێزێت و دەبێتە ناوچەیەکی گەشتیاریی.
ئەوەی پێویستە بیزانیت: کابینەی نۆیەمی حكومەتی هەرێمی كوردستان گرنگییەکی تایبەتی بە دروستکردنی پۆند و بەنداو داوە، لە ماوەی پێنج ساڵی ڕابردوودا دەیان پۆند و بەنداو دروستكراون و دەیانیشیان لە جێبەجێکردندان.
زیاتر لەسەر ئەم بابەتانە بکۆڵەرەوە
دوایین هەواڵەکان
- جیهان
- 8 کاتژمێر لەمەوپێش
فەرەنسا: ئەوروپا هەڵەبوو لە سەپاندنی باج لەسەر کحولی ئەمریکا
- تەندروستی
- 8 کاتژمێر لەمەوپێش
فشاری دەروونی دەبێتە هۆی قژ هەڵوەرین
- عێراق
- 8 کاتژمێر لەمەوپێش
سوودانی دڵنیایی دەداتە ئەمریکا لە پاراستنی هێزەکانیان لە عێراق
هەڵبژاردەکان بۆ تۆ
- ژینگە
- 10 کاتژمێر لەمەوپێش
دەیان کەو بۆ یادی هەڵەبجە ئازاد دەکرێن
- ژینگە
- 18 کاتژمێر لەمەوپێش
لە ئەمریکا 36 کەس بەهۆی زریانەوە گیانیان لەدەستدا
- ژینگە
- 20 کاتژمێر لەمەوپێش
شێخ دارا: ڕۆژانی نەورۆز باران دەبارێت