لە هەرێمی کوردستان بۆ پاراستی چینی ئۆزۆن ڕێگە بە هاوردەکردنی هەندێک ئامێر نادرێت
- ژینگە
- 16 ئەیلوول

چینی ئۆزۆن
ئاڤا نیوز
ڕۆژی جیهانی پاراستنی چینی ئۆزۆنە و دەستەی ژینگە ڕایدەگەیێنێت، هەرێمی کوردستان پابەندی ڕێککەوتنی ڤیەننا و پڕۆتۆکۆڵی مۆنتریاڵە، ساڵانێکە لەڕێگەی قەدەغەکردنی هاوردەی ئەو ئامێرانەی بە غازەکانی (کلۆر، فلۆر، کاربۆن) کاردەکەن، پابەند دەبێت.
بۆچی گرنگە: لە ساڵی 1985-ـەوە لێکۆڵەران تێبینی کونبوونی چینی ئۆزۆنیان کردووە و هۆشداری لە فراوانبوونی دەدرێت، چینی ئۆزۆن زهوی و مرۆڤ له تیشكی زیانبهخشی سهرووبنهوشهیی دهپارێزێت.
لێدوانی فەرمی: ڕەزاق خەیلانی، گوتەبێژی دەستەی پاراستنی ژینگە بە ئاڤا نیوزی ڕاگەیاند، ماوەی چەند ساڵێکە لیستی کۆمەڵێک جۆری غازی ئامێری ساردکەرەوەی وەک؛ سپلیت و بەفرگر و ئەو ئامێرانەی لەسەر شێوازی کۆن دروست دەکرێن، دراوەتە وەزارەتی بازرگانیی و بەڕێوەبەرایەتی گشتی گومرگ؛ تا ڕێگە لە هاوردەکردنیان بگیرێت، چونکە ئەو ئامێرانە بە غازە زیانبەخشەکان کار دەکەن، ئەوەی ئێستا هاوردە دەکرێت بەو غازە زیانبەخشانە کار ناکەن.
زانیاریی زیاتر: ئەو غازانەی دیاریکراون ئەگەر هەبن بۆ ئەو ئامێرانەن کە لە ساڵانی ڕابردوودا هاوردەکراون و هاونیشتمانیان بەکاری دەهێنن، ڕەزاق خەیلانی دەڵێت، تا ئەو ئامێرانە مابن ناتوانن دەستبەرداری بەکارهێنانی غازە زیانبەخشەکان ببن، خاڵی دڵخۆشکەر ئەوەیە ئێستا بە ڕێژەیەکی کەمتر ئەو جۆرە غازانە بەکاردێن.
ئەوەی پێویستە بیزانیت: ڕێکخراوی نەتەوە یەکگرتووەکان، ڕۆژی 16ـی ئەیلولی هەموو ساڵێکی وەک ڕۆژی پاراستنی چینی ئۆزۆن دیاریکردووە، عێراق ماوەی چەند ساڵێکە چووهتە نێو ڕێككهوتنامهی ڤییهنا و پڕۆتۆکۆڵی مۆنتریاڵ بۆ پارێزگارییكردن له چینی ئۆزۆن.
زیاتر لەسەر ئەم بابەتانە بکۆڵەرەوە
دوایین هەواڵەکان
- جیهان
- 16 خولەک لەمەوپێش
زیانەکانی جەنگی ئۆکراینا و ڕووسیا
- کوردستان
- 31 خولەک لەمەوپێش
مەسەدە: نیگەرانین لە بارودۆخی ئێستای سووریا
- کوردستان
- 41 خولەک لەمەوپێش
عومرەکارێکی کورد لە مانگی ڕەمەزان لە شاری مەککە کۆچی دوایی کرد
هەڵبژاردەکان بۆ تۆ
لە ئەندەنووسیا تیمساح ئافرەتێک دەخوات
1 کاتژمێر لەمەوپێش
زنجیرە درامای بەرەو بەرزاییەکان - ئەڵقەی 12
8 کاتژمێر لەمەوپێش
لە هەولێر دوو هەزار دۆنم زەوی سەوزە تێکدراوە کە بە ئاوەڕۆ بەرهەم دەهات
22 کاتژمێر لەمەوپێش
چەند مەیموونێک خەڵکی گەڕەکێکی هەولێر هەراسان دەکەن
13 ئازار
پڕۆژەی فریاگوزاریی خێرای ئاوی هەولێر 75%ی تەواو بووە
13 ئازار
- ژینگە
- 22 کاتژمێر لەمەوپێش
بەبۆنەی لە دایکبوونی بارزانیی نەمر هەڵمەتێکی نەمام چاندن بەڕێوەچوو
- ژینگە
- 13 ئازار
لە سلێمانی ڕاوچییەک دەستگیرکرا