پزیشکیان بە زمانی کوردی تویتێک لەسەر سەردانەکەی بۆ عێراق و هەرێمی کوردستان بڵاو دەکاتەوە

ئاڤا نیوز

 

مەسعود پزیشکیان، سەرۆککۆماری ئێران، لە هەژماری تایبەتی خۆی لە تۆڕی کۆمەڵایەتیی ئێکس پەیامێکی سەبارەت بە سەردانەکەی بۆ عێراق و هەرێمی کوردستان بڵاو کردەوە.

 

پەیامی فەرمی: دەقی پەیامەکەی پزیشکیان کە بە زمانی کوردی نووسیویەتی بەم جۆریە: "ئەو ئامانجانەی لە سەردانە سێ ڕۆژەکەمان بۆ وڵاتی دۆست و دراوسێمان بەدواداچوونمان بۆ کرد لەسەر ڕوانگەی یەکگرتن و یەککەوتن بوو. لەو سەردانەدا 14 یاداشتی لێکگەیشتنی هاوکاریی نێوان ئێران و عێراق واژۆ کرا. ئەولەویەتی ئێمە ئەوەیە بگەین بە یەک زمان و دیدگای هاوبەش لە پەیوەندی نێوان هەر دوو وڵات. کۆبوونەوەی باش لە عێراق ئەنجام درا کە بووە هۆی هاودڵیی زیاتر لە نێوان هەر دوو وڵات. ئامانجی گەورەی ئێوە هاودڵی و یەکبوون و یەککەوتنی ئوومەتی ئیسلامییە."

 

باکگراوەند: مەسعود پزیشکیان، سەرۆککۆماری ئێران ڕۆژی 11-9-2024 سەردانی بەغدای کرد و ڕۆژی 12-9-2024 سەردانی هەرێمی کوردستانی کرد و لەگەڵ سەرۆک بارزانی، سەرۆکی هەرێمی کوردستان  و سەرۆکوەزیران مەسرور بارزانی کۆبووەوە.