تۆڕی ئێکس هەژماری ئاژانسی میزانی دەسەڵاتی دادوەریی ئێران دادەخات

ئاڤا نیوز

میدیاکانی ئێران بڵاویانکردەوە، تۆڕی کۆمەڵایەتی ئێکس هەژماری ئاژانسی میزانی دەسەڵاتی دادوەریی ئێرانی داخستووە.

لێدوانی فەرميی: مێهدی کەشتدار، بەڕێوەبەری جێبەجێکاری ئاژانسی هەواڵی میزانی ئێران ڕایگەیاند: دوای لە کارخرانی نیشانە شینەکەیان لەلایەن تۆڕی "ئێکس"ەوە، ئەمڕۆ هەژمارەکەشیان بەبێ ئاگادارکردنەوە بلۆک کراوە و داخراوە.

ئەوەی پێویستە بیزانیت: ئاژانسی هەواڵی میزان سەر بە دەسەڵاتی دادوەری ئێرانە، تاکە پەنجەرەی ئەلیکترۆنی بوو کە دەسەڵاتی دادوەریی ئێران لە ڕێگەیەوە پەیامی بڵاودەکردەوە.

باکگراوند: ڕۆژی هەشتی ئەم مانگە، بە بیانووی پێشێلکردنی یاساکانی، کۆمپانیای مێتای خاوەنداری تۆڕە کۆمەڵایەتییەکانی فەیسبووک، ئینستگرام،  ترێدز و هەژمارەکانی عەلی خامنەیی، ڕێبەری باڵای کۆماری ئیسلامیی ئێرانی داخست.