تۆمەتێکی دیکە دەدرێتە پاڵ سەرۆکی دەستەی دەستپاکی عێراق

ئاڤا نیوز

 

بەتۆمەتی خۆ ناساندن وەک دادوەر، داواکاری گشتی داوا لە دەسەڵاتی دادوەریی دەکات ڕێوشوێنی یاسایی بەرامبەر حەیدەر حەنون بگیرێتەبەر.

 

وێنە گەورەکە: دوای ئەوەی لە کۆنفرانسێکی ڕۆژنامەوانیی لە هەولێر، سەرۆکی دەستەی دەستپاکیی عێراق چەند دۆسیەیەکی گەندەڵی و تێوەگلانی چەند بەرپرسێکی باڵای نێو حکومەت و دەسەڵاتی دادوەریی عێراق بەئاشکرا هەڵدایەوە، کاردانەوەی فراوانی بەدوای خۆیدا هێنا.

 

ڕاگەیێنراوی فەرمی: بە گوێرەی زانیاریی سەرچاوەیەکی دادوەریی عێراقی، سەرۆکی داواکاری گشتی داوای لە دادگەی لێکۆڵینەوەی کەرخی سێیەم کردووە، ڕێوشوێنی یاسایی بەرامبەر حەیدەر حەنون سەرۆکی دەستەی دەستپاکی بە وەکالەت بگرێتەبەر، بەتۆمەتی خۆناساندن بەدادوەر، چونکە حەنون کاتێک پۆستی سەرۆکی دەستەی دەستپاکی عێراقی وەرگرتووە، ئەو نازناوەی لە دەسەڵاتی دادوەریی لێوەرگیراوەتەوە.

 

زانیاریی زیاتر: پێشتر سەرپەرشتیاری دادوەری بە نووسراوێکی فەرمی حەیدەر حەنونی ئاگادراکردوەتەوە کە نازناوی دادوەر بەکارنەهێنێت، چونکە دەستوور ڕێگەنادات هیچ دادوەرێک دەسەڵاتی دادوەری لەگەڵ کارێکی دیکەدا تێکەڵ بکات.