لە ئەمریکا دوای 13 ساڵ یەکەم سزای لەسێدارەدان جێبەجێ دەکرێت

ئاڤا نیوز

 

دوای 13 ساڵ سزادراوێک لە ویلایەتی کارۆلینای باشوور سزای لەسێدارەدانی بەسەردا سەپێنرا، ئەمەش بووە یەکەم سزای لەسێدارەدان لەم ویلایەتەدا لە دوای ساڵی 2011وە.

 

چیرۆکی سەرەکی: فرێدی ئۆوێنز، بەهۆی کوشتنی کاشێر ئیرێن گڕاڤس کە دایکی سێ منداڵ بوو، لەکاتی دزی چەکداری لە فرۆشگایەکی کارۆلینا لە شەوی هالۆوینی ساڵی 1997، سزای لەسێدارەدانی بەسەردا سەپێندرا.

 

زانیاریی بەدەستهاتوو: بەپێی ئەوەی میدیاکانی ئەمریکا بڵاویانکردووەتەوە: ئەمە یەکەم سزای لە سێدارەدانە جێبەجێ بکرێت لە ڕێگەی دەرزی کوشندەوە، لەو پێنج سزای لە سێدارەدانەوەی لە ماوەی کەمتر لە هەفتەیەکدا لە پێنج ویلایەتی جیاوازی ئەمریکا دەرچووە.

 

ئەوەی پێویستە بیزانیت: سزای لەسێدارەدان لە 23 ویلایەتی ئەمەریکا هەڵوەشاوەتەوە، شەش ویلایەتی دیکەش، ئەریزۆنا، کالیفۆرنیا، ئۆهایۆ، ئۆریگۆن، پێنسیلڤانیا و تێنسی - پابەندبوون بە ڕاگرتنی جێبەجێکردنی سزای لەسێدارەدان بە بڕیاری پارێزگار.

 

هەنگاوی داهاتوو: بڕیارە هەموو شێوازی لە سێدارەدانەکان بە دەرزی کوشندە بکرێن، جگە لە لەسێدارەدانی ئالان میلەر لە 26 ئەیلوول لە ویلایەتی ئەلاباما ، کە لە ڕێگەی هەڵمژینی نایترۆجین دەکرێت، ئەمە شێوازە لە سێدارەدانە بە جۆرێک لە ئەشکەنجەدان لەلایەن نەتەوە یەکگرتووەکانەوە ناوزەند کراوە.