حوسییەكان  هێرش دەكەنە سەر كەشتییەكی دانیمارک

ئاڤا نیوز

شەوی ڕابردوو حوسییەكان بەرپرسیارێتیی خۆیان لە هێرشێک ڕاگەیاند، كە كردیانە سەر كەشتییەكی هەڵگری سووتەمەنیی نێو دەریای سوور. ئەمریكاش هێرشەكەیانی پشتڕاست كردەوە.

چیرۆكی سەرەكیی: حوسییەكان بەرپرسیارێتیی خۆیان لەو هێرشەی دوو ڕۆژ لەمەوبەر ڕاگەیاند كە كرابووە سەر كەشتییەكی نێو دەریای سوور و گوتیان كە كەشتییەكە بەریتانی بووە.دواتر فەرماندەیی ناوەندیی ئەمریكا (سێنتكۆم) ئەوەی پشتڕاست كردەوە كە چوار مووشەكی دژەكەشتی لە ناوچەكانی ژێر دەسەڵاتی حووسییەكانەوە هاوێژراون، بەڵام كەشتییەكی دانیماركی پێكراوە، نەك بەریتانی. ئاماژەشی بەوە دا كە ئەمریكا هەر لە یەمەن دوو هێرشی بەرگریی لە دژی مووشەكێكی كرووزی دژەكەشتی و درۆنێكی دەریایی بە سەركەوتوویی ئەنجام داوە.

لێدوانی فەرميی: یەحیا سەریع، گوتەبێژی سەربازیی حوسییەكان گوتی: هێزی دەریاییمان لە نێو دەریای سووردا كەشتییەكی نەوتهەڵگری بەریتانیی بە ناوی پۆلوكس بە مووشەک پێكاوە. بەڵام ئاماژەی نەدا كە پەیوەندیی كەشتییەكە بە بەریتانیاوە چییە.