قائانی داوای کەمکردنەوەی فشارەکانی سەر سوودانی دەکات

ئاڤا نیوز

فەرماندەی فەیلەقی قودسی ئێران لە سەردانەکەی بۆ بەغدا لە هەفتەی ڕابردوودا، لەگەڵ سەرکردەکانی چوارچێوەی هەماهەنگی کۆبووەوە و داوای لێکردوون فشارەکانی سەر سوودانی لەبارەی تۆڕە سیخوڕییەکە کەمبکەنەوە.

وێنە گەورەکە: چوارچێوەی هەماهەنگی ماوەیەکە بەهۆی تۆڕی سیخوڕیی نووسینگەکەی محەممەد شیاع سوودانی، سەرۆکوەزیرانی عێراق بەردەوامە لە ڕەخنەگرتن و فشارکردن کە هاوکاتە لەگەڵ جەنگی نێوان حیزبوڵڵای لوبنان و ئیسرائیل.

ڕاگەیێنراوی فەرمی: ئاژانسی "ڕۆیتەرز" بە پشتبەستن بە حەوت سەرچاوەی جیاوازی عێراقی بڵاویکردووەتەوە: داواکەی ئیسماعیل قائانی لەپێناو سەقامگیریی عێراق بووە لەبەرئەوەی ناوچەکە گرژییەکی گەورەی بەخۆیەوە بینیوە.

ئەوەی پێویستە بیزانیت: لە ماوەی ڕابردوودا دۆسیەی تۆڕی سیخوڕیی نووسینگەی سەرۆکوەزیرانی عێراق ناکۆکییەکی قووڵی خستە نێو سەرکردەکانی هاوپەیمانیی چوارچێوەی هەماهەنگی و محەممەد شیاع سوودانی تا ڕادەی ئەوەی نووری مالیکی سکاڵای لەسەر ئەمیان تۆمار کرد و داوای هەڵبژاردنی پێشوەختەی کرد.)