هەڕەشەکانی حیزبوڵڵا گەشتەکەی نەتەنیاهۆ بۆ نیۆیۆرک دوا دەخات

ئاڤا نیوز

 

لەدوای هێرشەکانی سوپای ئیسرائیل بۆسەر لوبنان و  وەڵامدانەوەی حیزبوڵڵا  بە ئاراستەکردنی ژمارەیەک درۆنی خۆکوژیی و مووشەک بۆ ناو خاکی ئیسرائیل، تادێت مەترسی شەڕی ڕاستەوخۆی نێوان ئیسرائیل و حیزبوڵڵا گەرمتر دەبێت، ئەمەش نەتەنیاهۆی ناچارکرد گەشتەکەی بۆ نیۆیۆرک هەڵبوەشێنێتەوە.

 

ڕاگەیێنراوی فەرمی: نووسینگەی سەرۆکوەزیرانی ئیسرائیل ڕایگەیاند: گەشتەکەی بنیامین ناتانیاهۆ بۆ نیویۆرک بۆ بەشداریکردن لە کۆبوونەوەی گشتی نەتەوە یەکگرتووەکان جارێکی دیکە دواخرا.

 

زانیاریی زیاتر: بڕیاربوو ڕۆژی پێنجشەممە ڕێککەوتی، 26-9-2024 ناتانیاهۆ بە فڕۆکە بەرەو ئەمریکا بەڕێبکەوێت بۆ پێشکەشکردنی گوتارێک لە کۆبوونەوەی گشتی نەتەوە یەکگرتووەکان و شەوی شەممە بگەڕێتەوە ئیسرائیل.

 

ئەمەش بزانە: هاوکات بڕیار بوو سارا نەتانیاهۆ، هاوسەری نەتەنیاهۆ  لەو سەفەرەدا یاوەری بێت.