ئەمریکا هێزی زیاتر ڕەوانەی ڕۆژهەڵاتی ناوەڕاست دەکات

ئاڤا نیوز 

 

بەهۆی زیادبوونی گرژییەکانی ڕۆژهەڵاتی ناوەڕاست و پەرەسەندنی شەڕی نێوان ئیسرائیل و حیزبوڵڵای لوبنان، ئەمریکا بڕیاریداوە هێزی زیاتر ڕەوانەی ڕۆژهەڵاتی ناوەڕاست بکات.

 

زانیاری بەدەستهاتوو: دوو کاربەدەستی ئەمریکا بە ڕۆیتەرزیان ڕاگەیاندووە: ناردنی سەرباز بۆ ڕۆژهەڵاتی ناوەڕاست یارمەتی سوپای ئەمریکا دەدات لە ئەگەری زیادبوونی گرژییەکان تاوەکو بە سەلامەت هاووڵاتیانی ئەمریکا لە لوبنان ڕزگاربکەن.

 

لەلایەکی دیکەوە: جۆ بایدن سەرۆکی ئەمریکا، هەفتەی ڕابردوو هۆشداریدا لە مەترسی ئەگەری هەڵگیرسانی شەڕێکی سەرتاسەری، چونکە ئیسرائیل بە ئاشکرا باس لە هێرشی زەمینی دەکات بۆ سەر باشووری لوبنان دەکات.

 

ئەوەش بزانە: واشنتن داوای لە هاووڵاتیانی کردووە لوبنان جێبهێڵن، بەڵام تاوەکو ئێستا وەزارەتی دەرەوەی ئەمریکا فەرمانی بە کارمەندانی نەکردووە وڵاتەکە جێبهێڵن.

 

زانیاریی زیاتر: بڕیارە بەشێک لەو هێزەی ڕەوانەی ڕۆژهەڵاتی ناوەڕاست دەکرێت لە قوبرس جێگیر بکرێن تا کاتێکی نادیار