شەوی ڕابردوو لە فڕۆکەخانەی بەغدا چی ڕووی دا؟

ئاڤا نیوز

 

شەوی ڕابردوو بە سێ مووشەک لە ناوچەی عامرییەوە   بنکەی سەربازیی ڤیکتۆریا لەنێو فڕۆکەخانەی بەغدا بۆردوومان کرا.

وێنە گەورەکە: دوای ئەوەی شەوی ڕابردوو ئیسرائیل هێرشی زەمنی سنوورداری بۆ سەر ژێرخانی حیزبوڵڵا لە لوبنان ڕاگەیاند، لەهەمان کاتدا و لە عێراق هێرشی مووشەکی کرایە سەر فڕۆکەخانەی بەغدا و بنکەی سەربازی ڤیکتۆریا کە هێزەکانی ئەمریکا و هاوپەیمانانی تێدا جێگیرکراوە.

 

لێدوانی فەرمی: سەرچاوەیەکی ئەمنی بە ئاڤا نیوزی ڕاگەیاند: "نزیکەی کاتژمێر 12:00 شەوی ڕابردوو مووشەکی یەکەم لە ڕێڕەوی فڕۆکەخانەی مەدەنی کەوتە خوارەوە، دووەمیان لەلایەن سیستمی بەرگریی بنکەی سەربازیی ڤیکتۆریا خراوەتە خوارەوە، مووشەکی سێیەمیش لە نزیک فەرماندەیی ئۆپەراسیۆنە تایبەتەکان کەوتووەتە خوارەوە، لە ئەنجامدا چوار ئۆتۆمبێلی مەدەنیی سووتاون".

 

ئەمەش بزانە: تاوەکو ئێستا هیچ لایەنێک بەرپرسیاریەتیی ئەنجامدانی هێرشەکەی لەئەستۆ نەگرتووە، گەشتە ئاسمانییەکانیش بەشێوەیەکی ئاسایی بەردەوامن.