کۆمیسیۆن ناوی بنکەکانی دەنگدان بۆ دەنگدانی تایبەت ئاشکرا دەکات

ئاڤا نیوز

 

کۆمیسیۆنی باڵای هەڵبژاردنەکانی عێراق ناوی بنکەکانی دەنگدان بۆ دەنگدانی تایبەت لە پارێزگاکانی هەرێمی کوردستان و عێراق ئاشکرا دەکات.

 

بڵاوکراوەی فەرمی: کۆمیسیۆنی باڵای هەڵبژاردنەکان خشتەیەکی بڵاوکردەوە، لە خشتەکەدا ناوی بنکە و وێستەگەکانی دەنگدان بۆ دەنگدانی تایبەت لە 11 پارێزگای هەرێمی کوردستان و عێراق دیاریکراوە.

 

زانیاریی زیاتر:  بەپێی خشتەکە پارێزگای هەولێر زۆرترین بنکەی دەنگدانی لێدەبێت کە 62 بنکەیە، لەدوای ئەو پارێزگای سلێمانی 57 بنکە، دهۆک 33 بنکە، هەڵەبجە یەک بنکە، هاوکات نەینەوا چوار بنکە، بەغدا سێ بنکە، هەریەک لە پارێزگاکانی کەرکووک، دیالە، ئەنبار، واست و سەلاحەدین یەک بنکەی دەنگدانیان لێدەبێت.

 

ئەوەی پێویستە بیزانیت: بڕیارە ڕۆژی 18-10-2024 دەنگدانی تایبەت بۆ هەڵبژاردنی خولی شەشەمی پەرلەمانی کوردستان بکرێت و دوای دوو ڕۆژ واتە 20-10-2024 دەنگدانی گشتی دەکرێت.