مەسرور بارزانی: ڕێگری نەبێت ئاوەدانیی زاخۆ بۆ هەموو شوێنێک دەگوازینەوە

ئاڤا نیوز

 

مەسرور بارزانی باسی پێشکەوتن و ئاوەدانی زاخۆ دەکات و دەڵێت، "ئەگەر ڕێگری و دەسەڵاتی گەندەڵ نەبێت، دەمانەوێت ئاوەدانیی زاخۆ بگوازینەوە هەموو شوێنێک".

وێنە گەورەکە: ئەمڕۆ دووشەممە لیستی 190ی پارتی دیموکراتی کوردستان یەکەمین کەرنەڤاڵی جەماوەری لە شاری زاخۆ ڕێکخست. مەسرور بارزانی، جێگری سەرۆکی پارتی گوتارێکی پێشکەش کرد و شاری زاخۆی بە بووکی کوردستان و عێراق وەسف کرد.

لێدوانی فەرمی: مەسرور بارزانی گوتی: "ئێمە بە یەک چاو سەیری هەموو کوردستان دەکەین، دەمانەوێت ئەم ئاوەدانییەی زاخۆ بگوازینەوە هەموو شوێنێک، بەڵام لە هەندێک شوێن لایەنێک و دەسەڵاتێکی گەندەڵ و خۆسەپێن ڕێگریی دەکات ئاوەدانیی و خزمەتگوزاریی بگەیێنین". جەختیشی کردەوە پارتی هیچ کاتێک جیاوازیی لەنێوان ناوچەکان ناکات و ئاوەدانیی بۆ هەموو کوردستان دەوێت.

 

باکگراوند: تەنیا لە ماوەی کابینەی نۆیەمی حکومەتیی هەرێمی کوردستان بەسەرۆکایەتیی مەسرور بارزانی، 295 پڕۆژە بە گوژمەی سەدان ملیۆن دۆلار لە ئیدارەی سەربەخۆی زاخۆ جێبەجێ کراون.