نەتانیاهۆ ڕێگری لە سەردانی یۆئاڤ گالانت بۆ ئەمریکا دەکات

ئاڤا نیوز

 

وەزیری بەرگری ئیسرائیل پلانی سەردانیکردنی هاوتاکەی لە ئەمریکا هەبوو کە بە فەرمانی سەرۆکوەزیران نەتانیاهۆ سەردانەکەی بۆ کاتێکی دیکە دواخست.  

 

وێنە گەورەکە: لە دوای هێرشە مووشەکییەکەی ئێران بۆسەر ئیسرائیل، ئەو وڵاتە خەریکی ئامادەکردنی پلانی تۆڵەسەندنەوەیە.

 

ڕاگەیێنراوی فەرمی: بەپێی ڕاگەیاندنی وەزارەتی بەرگری ئەمریکا (پێنتاگۆن): "یوئاڤ گالانت، وەزیری بەرگری ئیسرائیل، سەردانەکەی بۆ ئەمریکا  بۆ کاتێکی دیکە دواخست، ئەوەش لە دوای فەرمانی بنیامین نەتانیاهۆ دێت."

  

زانیاریی زیاتر: بەپێی زانیارییە بەدەستهاتووەکان، ڕێگریکردنی نەتانیاهۆ لە سەردانیکردنی وەزیرەکەی بۆ ئەمریکا ئەوە بووە کە ویستوویەتی یەکەمجار قسە لەگەڵ جۆ بایدن بکات، لە هەمانکاتدا لە کۆبوونەوەی کابینەکەی باس لە چۆنییەتی هێرشی سەر ئێران بکات. 

 

لەلایەکی دیکەوە: ماتیۆ میلەر، گوتەبێژی وەزارەتی دەرەوەی ئەمریکا گوتی کە ئەمریکا بەشدار نابێت لە هێرشی ئیسرائیل بۆ سەر ئێران.