ئەنجوومەنی ئاسایش هۆشداریی دەداتە ئیسرائیل

ئاڤا نیوز 

 

ئیسرائیل بەنیازە بە یاسایەک چالاکییەکانی ئونڕوا، کە ڕێکخراوێکی فریاگوزاریی نەتەوەیەکگرتووەکانە بۆ پەنابەران قەدەغە بکات، ئەنجوومەنی ئاسایشی نەتەوەیەکگرتووەکانیش لەوبارەیەوە هۆشداری پێدەدات.

 

وێنە گەورەکە: ئیسرائیل لەگەڵ ئونڕوا ناکۆکە، چونکە بەشێک لە کارمەندانی دەزگای نەتەوەیەکگرتووەکان تۆمەتبار دەکات بە بەشداریکردن لە هێرشەکەی حەماس لە 7ـی ئۆکتۆبەری 2023.

 

کاردانەوەکان: لیندا تۆماس گرینفیڵد، نوێنەری واشنتن لە نەتەوەیەکگرتووەکان ڕۆژی چوارشەممە ڕایگەیاند، ئەمریکا بە نیگەرانییەکی قووڵەوە بەدواداچوون بۆ پێشنیازە یاسای ئیسرائیل دەکات کە ڕەنگە پێگەی یاسایی UNRWA بگۆڕێت.

 

چی ڕوویدا: ڕۆژی یەکشەممە، لیژنەی کاروباری دەرەوە و بەرگری پەرلەمانی ئیسرائیل دوو ڕەشنووسی یاسای پەسەند کرد، کە ئامانجیان کۆتاییهێنان بە چالاکییەکانی UNRWA بوو، لە هەنگاوێکی خێرادا کە ئەنتۆنیۆ گۆتێرێس، سکرتێری گشتیی نەتەوەیەکگرتووەکان سەرکۆنەی بریارەکەی کرد.