ئیسرائیل زاواکەی نەسڕۆڵڵا بە ئامانج دەگرێت

ئاڤا نیوز

 

لە هێرشێکی ئاسمانیی سوپای ئیسرائیل بۆ سەر بەیرووت لانیکەم 22 کەس کوژران و 117 کەسی دیکەش بریندار بوون.

 

وێنە گەورەکە:  ئیسرائیل ناوچەی 'نویری' و 'ڕەئسول نەبەع' کردووەتە ئامانج کە دوو ناوچەی نیشتەجێبوونی زۆرینە شیعەن و سوپای ئیسرائیل بەر لە هێرشەکان هیچ هۆشدارییەکی بە دانیشتووانی ئەم ناوچانە نەداوە.

 

زانیاریی بەدەستهاتوو: میدیا لۆکاڵییەکانی لوبنان ڕایانگەیاندووە، ئامانج لە هێرشەکە 'وەفیق سەفا' زاوای حەسەن نەسڕوڵڵا و یەکێک لە بەرپرسانی حیزبوڵای لوبنان بووە.

 

بۆچوونی لایەنی بەرامبەر: میدیاکانی ئیسرائیل هەواڵی کوژرانی زاواکەی نەسڕوڵڵایان بڵاوکردووەتەوە، بەڵام حیزبوڵڵا هێشتا هیچی لەو بارەوە ڕانەگەیاندووە.